ဒေါင်းတမန်

ကိုထိုက်ရဲ့ပို့စ်လေးပါကြိုက်လို့တင်ပေးလိုက်တာပါ
Thursday, 10 July 2008

နွားကြီး
ကျွန်တော် လွန်ခဲ့တဲ့ ၁ နှစ်ကျော်လောက်က ရေးခဲ့တဲ့ ရီစရာစာတိုလေး တစ်ခုပါ။ စာမူ အဟောင်းတွေ ပြန်ဖတ်ရင်း တွေ့လို့ အပျင်းပြေတင်လိုက်တာပါ။ အရေးအသားက သိပ်မကောင်းတာ ခွင့်လွတ်ပါ။ တချို့အရေး အသားတွေ နည်းနည်းပြင်ချင်ပေမယ့် .. စာမူ ပုံစံ ဟောင်းအတိုင်း မပြင်သင့်ဘူး ထင်လို့ ဒီအတိုင်း ပြန်တင်လိုက်ပါတယ်။ ကြားဖူးတဲ့ ပုံပြင်လေး တစ်ခုကို ပြန်ကိုးကား ရေးထားတာပါ။..................................................
ကျွန်တော်တို့ ရပ်ကွက်လူကြီး ဦးအောင်ဘ တစ်ယောက် ကျွန်တော်တို့ အိမ်ကို တစ်ညနေမှာ ရောက်လာပါတယ်။ သူက တာဝန်အရ ကျွန်တော်တို့ဆီကို ရောက်လာခဲ့ရတာပါ။ ရောက်ရောက်ခြင်း ဆိုသလိုဘဲ ကျွန်တော့်ကို သူက
“ဟို ဘက်ခန်းက ကိုသိန်းထွန်းရှိလား” လို့ မေးလာပါတယ်။
“သူ လမ်းထိပ်ဘက်ကို သူ့သားလေးနဲ့ အတူ လမ်းလျှောက် ထွက်သွားကတာဘဲ။ ကိစ္စ အရေးကြီးလို့လား” လို့ ကျွန်တောက်က မေးလိုက်ပါတယ်။
“ငါ အခုလာရတာက ကြံခိုင်ရေးနဲ့ဖွံဖြိုးရေး အသင်းကြီးရဲ့ နှစ်ပတ်လည် ညီလာခံကို ငါတို့ ရပ်ကွက်ကနေ တစ်အိမ်တစ်ယောက် မဖြစ်မနေတတ်ရမယ်။ အဲ့ဒါ မနက်ဖြန် မနက် ၆ နာရီရပ်ကွက်ရုံးကို မင်းရော၊ ကိုသိန်းထွန်းရော နှစ်ယောက်လုံးလာခဲ့ရမယ်။ ပြီးတော့ ဒီရပ်ကွက်ထဲမှာ ကိုသိန်းထွန်းက နည်းနည်း လည်လည်ဝယ်ဝယ်လည်းရှိတော့ သူ့ကို ချီတတ်မဲ့ အဖွဲ့ရဲ့ ခေါင်းဆောင်လုပ်ခိုင်းမလို့လေ။ ဒါကြောင့်ပါ…။”
“ဦးလေးရော မလိုက်ဘူလား။” လို့ ကျွန်တော်က ပြန်မေးလိုက်ပါတယ်။
“ငါ လိုက်တော့ လိုက်ခဲ့မယ်။ ဒါပေမယ့် ငါ့မိန်းမ မုန့်ဟင်းခါးဆိုင် ထွက်တာကို လိုက်ကူပေးပြီးတော့မှာ လာခဲ့မယ်။ မင်းသိတဲ့ အတိုင်းဘဲလေ။ သူက ငါအလုပ်မလုပ်ဘဲ အခုလို ဟိုယောင်ယောင် ဒီယောင်ယောင် လုပ်နေတာတွေကို သိပ်ကြိုက်တာ မဟုတ်ဘူးလေ။”
ဟုတ်တယ်… ရပ်ကွက်က ရပ်ကွက်လူကြီးရွေးကြတော့ အရပ်ထဲ အလုပ်မရှိ အကိုင်မရှိ ယောင်ခြောက်ဆယ် ဆိုက်ကားသမားဟောင်း ဦးအောင်ဘကို မြို့နယ် မယက စစ်ဗိုလ်ကြီးတွေ အကြိုက် ရွေးတင်ထားတာကိုဗျ။
ပြောရင်းဆိုရင်းနှင့်ပင် ကိုသိန်းထွန်းက သူ့သားလေး အောင်အောင့်ကို လက်ဆွဲပြီး ပြန်လာကြသည်။ ထိုအခါ ဦးအောင်ဘက
“ဟေ့ …. မောင်သိန်းထွန်း။ အတော်ဘဲ… မင်းဆီကိုလာခဲ့တာ မင်းနဲ့ မတွေ့လို့ ငါအခုဘဲ ပြန်တော့မလို့” လို့ လှမ်းအော်ပြောလိုက်တော့၏။
“ဘာကိစ္စရှိလို့လဲဗျ။ ခင်ဗျားမြင်ရင် ကျုပ်က အတော့်ကို လန့်နေတာဗျ။ အားအားရှိ ရပ်ကွက်သန့်ရှင်းရေး လုပ်အားပေးလုပ်ခိုင်းလိုက်၊ ဟိုအလှူငွေ ဒီအလှူငွေ ကောက်လိုက်နဲ့ ခင်ဗျားကို မြင်ရတာ ကျုပ်က လန့်လန့်လာပြီ။”
“ကျုပ်ကလည်း အထက်အမိန့်အရ လုပ်ရတာပါဗျာ။ အခုလာရတဲ့ကိစ္စကလည်း မနက်ဖြန် ကြံဖွတ် … အဲယောင်လို့ ပြည်ခိုင်ဖြိုး နှစ်ပတ်လည် ညီလာခံတတ်ဖို့ လာပြောတာ။ အဲဒါ မနက် ၆နာရီ ရပ်ကွက်ရုံးကို လာခဲ့ကြ။ ကဲ ငါသွားပြီ။”
နောက်တစ်နေ့ ၆ နာရီ လူစုပြီး၊ ကျွန်တော်တို့ ချီတတ်လာကြရာ ကန်တော်ကြီး ကန်ပတ်လမ်းမှ ဖြတ်လာစဉ် ဗိုလ်ချုပ်ပန်းခြံရှေ့ အရောက် နောက်မှ “ဟေ့ .. မင်းတို့ ဘယ်သွားကြမလို့လဲ” ဟု အသံတစ်ခုကြားလိုက်ရသဖြင့် ကျွန်တော်တို့ လှည့်ကြည့်မိလိုက်ကြသည်။ ကျွန်တော်တို့ လူစုမှလွဲ၍ ဘယ်သူမှ မတွေ့ပေ။ သေသေချာချာ ကြည့်မိလိုက်တော့မှ ဗိုလ်ချုပ်ကြေးရုပ်မှ ပြောလိုက်သော အသံဖြစ်နေကြောင်းတွေ့လိုက်ရသည်။ ထိုအခြင်းအရာကြောင့် အချို့မှာ လန့်သွားကြသည်။ ကျွန်တော်တို့ လူစုထဲတွင် ခေါင်းဆောင်ဖြစ်သော၊ အတန်ငယ် သတ္တိရှိသော ကိုသိန်းထွန်းက ရှေ့သို့ တိုးထွက်လာပြီး “ကျွန်…ကျွန်…ကျွန်တော်တို့ ကြံခိုင်ရေး အသင်းကြီးရဲ့ ပြည်လုံးညီလာခံ သွားတတ်ကြမလို့။”
ထိုအခါ ဗိုလ်ချုပ်ကြေးရုပ်ကြီးက “အေး…အေး … မင်းတို့ သွားကြ၊ ဒါပေမယ့် ငါအခုဒီမှာ ရပ်နေရတာ ညောင်းလာပြီ၊ ဟို မဟာဗန္ဓုလအရုပ်မှာဆို မြင်းတစ်ကောင်နဲ့ ကျကျနန သက်သက်သာသာရှိတယ်။ ဒီတော့ နောက်တစ်ခါ မင်းတို့လာရင် ငါ့အတွက် မြင်းတစ်ကောင် ယူလာခဲ့။”
“ဟုတ်…. ဟုတ်ကဲ့” ဟုသာ ကိုသန်းထွန်း ပြန်ပြောနိုင်ပြီး၊ ကျွန်တော်တို့လည်း အာစေး ထည့်ထားခံရသလို ဘာမှ ပြန်မပြောနိုင်ခဲ့ပေ။
ဒီလိုနဲ့ ကျွန်တော်တို့ ဆက်လက် ချီတတ်လာခဲ့ကြရာ နောက်ဆုံး စည်းဝေးပွဲကျင်းပရာသို့ ရောက်သော အခါ ဒေါသတကြီးဖြင့် စောင့်နေရသော ဗိုလ်ချုပ်မှူးကြီး သန်းရွှေကို တွေ့လိုက်ရသည်။
“မင်းတို့ ဘာလို့ ဒီလောက်တောင် နောက်ကျ နေရတာလဲ” ဟု မေး၏။
“ကိုသန်းထွန်းက ကြောက်ကြောက်နဲ့ “ဗိုလ်ချုပ်မှူးကြီးခင်ဗျာ ကျွန်တော်တို့ ဒီကို အလာ လမ်းမှာ ဗိုလ်ချုပ် ကြေးရုပ်ကြီးက စကားပြောနေလို့ပါ ခင်ဗျာ။” ဟု ပြန်ဖြေလိုက်သည်။
“မင်းတို့ အဓိပ္ပါယ် မရှိတာတွေ လာပြောမနေနဲ့၊ ငါ မယုံဘူး။”
“ဗိုလ်ချုပ်မှူးကြီး မယုံရင် ကျွန်တော် လက်တွေ့ပြမယ်။” ဟု ကိုသန်းထွန်းက ပြောလိုက်၏။
“အေး …. မင်းတို့ပြောသလို မဟုတ်ရင် မင်းတို့နဲ့ ငါနဲ့ အတွေ့ဘဲ။” ဟု ကြိမ်းပြီး ဗိုလ်ချုပ် ပန်းခြံရှိရာသို့ ကျွန်တော်တို့ အားလုံးသွားကြသည်။ ကျွန်တော်တို့ ဗိုလ်ချုပ်ကြေးရုပ်ရှေ့ သို့ရောက်ရာ ကိုသန်းထွန်းက ဗိုလ်ချုပ်မှူးကြီးကို လက်ဆွဲပြီး “ဗိုလ်ချုပ်မှူးကြီး ခင်ဗျာ၊ ဒီကြေးရုပ်ကြီးဘဲ။” ဟု လက်ညိုးထိုးပြလိုက်သည်။ ထိုအခါ ဗိုလ်ချုပ်မှူးကြီးက ကြေးရုပ်ကြီးအား သေသေချာချာကြည့်နေစဉ် ဗိုလ်ချုပ် အောင်ဆန်းကြေးရုပ်ကြီးက ပြောလိုက်သော စကားကို ကျွန်တော်တို့ ကြားလိုက်ရလေသည်။ ကြေးရုပ်ကြီးက မှတ်သားလောက်စရာ ပြောလိုက်သည်မှာ…
“ဟေ့ … မင်းတို့ကို၊ ငါက နောက်တစ်ခါလာရင် မြင်းတစ်ကောင် ယူခဲ့လို့ မှာထားတာ၊ မင်းတို့က … အခု ဘာလို့ ဒီနွားကြီးကို ခေါ်လာရတာတုံး” တဲ့ဗျာ။
ကိုထိုက်
(p.s .... ဒီနေရာမှာ နွားနဲ့ နှိုင်းလို့ နွားသိက္ခာကျတာ သိပေမယ့် ရေးပြီးသားအတိုင်းမို့ ဒီအတိုင်း ထားလိုက်တာပါ။)